Аймактык жумушчу топтун 3-жыйынына БАЖПИИнин директору Болот Молдобеков жана «Климат, суу жана геоэкология» бөлүмүнүн башчысы Рыскул Усубалиев катышты

2024-жылдын 10-декабрында Ташкентте Борбордук Азиядагы эки тарапка тең пайдалуу суу-энергетикалык механизмди талкуулоого арналган Аймактык жумушчу топтун үчүнчү отуруму болуп өттү. Бул иш-чара климаттын өзгөрүшүнө каршы аймактык кызматташтыкты бекемдөөгө багытталган “Жашыл Борбордук Азия” демилгесинин алкагында өттү.

Жыйынга аймактын мамлекеттеринин, эл аралык уюмдардын өкүлдөрү жана суу-энергетика тармагындагы кызматташуу жаатындагы алдыңкы эксперттер катышты. Борбордук Азиялык Жерди прикладдык изилдөө институтунун (БАЖПИИ) директору Болот Молдобеков жана «Климат, суу жана геоэкология» бөлүмүнүн башчысы Рыскул Усубалиев катышты.

Катышуучулар суу-энергетикалык ресурстарды биргелешип башкарууга көмөктөшүүчү өз ара аракеттенүүнүн туруктуу механизмин түзүү боюнча негизги кадамдарды талкуулашты. Өзгөчө көңүл өзгөрүп жаткан климаттык шарттарга көнүү, алдыңкы технологияларды ишке киргизүү жана ресурстарды пайдалануунун натыйжалуулугун жогорулатуу маселелерине бурулду.

• Вперёд