БАЖПИИнин директору Болот Молдобеков Биринчи радионун түз эфиринде
"Биринчи радио" радиостанциянын "Таӊкы бурулуш" программасынын түз-эфиринде Борбордук Азиялык Жерди прикладдык изилдөө институтунун (БАЖПИИ) директору Болот Молдобеков маек курду. Сүйлөшүүнүн темасы "Тоолорду туруктуу өнүктүрүү" болуп, ал быйыл Азербайжандын Баку шаарында өткөн БУУнун Климаттын өзгөрүшү боюнча алкактык конвенциясынын Тараптарынын 29-конференциясындагы иши тууралуу айтып, ошондой эле эл аралык уюмдар менен сүйлөшүүлөрдүн жыйынтыктары менен бөлүштү.
Сүйлөшүүнүн жүрүшүндө мөңгүлөр темасына өзгөчө көңүл бурулду. Программанын коногу аларды изилдөө ыкмалары, эрүү динамикасы, ошондой эле бул изилдөөлөрдүн аймак үчүн мааниси тууралуу кеңири айтып берди. Ал климаттын өзгөрүшү Борбор Азиядагы мөңгүлөрдүн абалына олуттуу таасирин тийгизип жатканын жана бул үчүн окумуштуулардын, мамлекеттердин жана эл аралык өнөктөштөрдүн биргелешкен аракеттери керек экенин белгилей кетти.
БАЖПИИнин директору Болот Молдобеков маек учурунда
Ошондой эле жашыл экономика жана аны ишке ашырууга байланышкан маселелер талкууланды. Климаттын өзгөрүшүнө ыңгайлашууга жана тоолуу аймактардын туруктуу өнүгүүсүн камсыз кылууга багытталган демилгелердин мисалдары келтирилди.
Болот Молдобеков БАЖПИИнин иши Борбордук Азиянын алдында турган экологиялык жана социалдык маселелерди изилдөөдө жана чечүүдө маанилүү роль ойноорун баса белгиледи.
Эфирди толук төмөндөгү шилтеме менен өтүп көрө аласыздар:
ESKADRA - разработка сайта