БАЖПИИ Ала-Арча дарыясынын бассейнинде сел жана суу ташкындары боюнча эрте эскертүү тутумун ишке киргизүү тажрыйбасы менен бөлүштү

2026-жылдын 2-4-ноябрында Алматыда Борбордук Азиялык прикладдык изилдөөлөр институтунун содиректору Болот Молдобеков жана бөлүм башчылары Александр Зубович менен Назгүл Алыбаева ЮНЕСКОнун GLOFCA Адаптациялык фондунун долбоорунун алкагындагы "Эрте эскертүү тутумун орнотуудагы ийгиликтер жана алынган сабактар" деп аталган 4-аймактык тажрыйба алмашуу семинарына катышышты.

"Даярдык жана жооп кайтаруу" сессиясынын жүрүшүндө Болот Молдобеков GLOFCA сынамык аймактарында ишке ашырылган мөңгү көлдөрүнүн жарылуу коркунучун азайтуу боюнча кошумча чараларды талкуулады. Ал өзгөчө кырдаалдарга даярдык көрүү чараларына, маалымдуулукту жогорулатуу иш-чараларына жана машыгууларга жергиликтүү коомчулуктардын жана мамлекеттик органдардын катышуусуна өзгөчө басым жасады.

«Байкоо тутумдары жана маалыматтарды башкаруу» бөлүмүнүн башчысы Александр Зубович "Ала-Арча дарыясынын бассейниндеги сел жана суу ташкындары боюнча эрте эскертүү тутуму" деген темада баяндама жасады.

Бул жыйынтыктоочу семинар Кыргызстандагы, Казакстандагы, Тажикстандагы жана Өзбекстандагы GLOFCA долбоорунун тажрыйбаларын салыштыруу жана жыйынтыктарын баалоо үчүн платформа катары кызмат кылды.

• Вперёд