Бириккен Улуттар Уюмунун (БУУӨП) табигый кырсыктардын тобокелдиктерин башкаруу" программасы

Программанын аталышы: Бириккен Улуттар Уюмунун (БУУӨП) "Табигый кырсыктардын тобокелдиктерин башкаруу" программасы

Кыскача аталышы: кырсык (жер көчкү)тобокелдиктери тууралуу маалымат базасын түзүү / жаңылоо

Иштеген жери: Кыргызстан

Келишимдин түрү: институционалдык келишим

Сатып алуу ыкмасы: Тикелей (Waiver)

Узактыгы: келишимге кол коюлган күндөн тартып 7 ай

БУУнун өнүктүрүү программасы Бириккен улуттар уюмунун глобалдык өнүктүрүү тармагы болуп саналат, ал өлкөлөргө билим, тажрыйба жана ресурстар булактарына жетүү аркылуу адамдардын жашоосунда оң өзгөрүүлөрдү жактайт. БУУӨПнын Кыргызстандагы өкүлчүлүгү өлкөнү өнүктүрүүгө жана калктын турмушун реалдуу жакшыртууга багытталган аракеттеринде өлкөнүн ишенимдүү өнөктөшү болуп саналат.

БУУӨПтүн Кыргызстандагы өкүлчүлүгү БУУнун өлкөдөгү өнүгүү жаатындагы ишмердүүлүгүн координациялайт жана 2000-жылы миң жылдыктын саммитинде дүйнөлүк лидерлер тарабынан жактырылган миң жылдыктын өнүгүү максаттарына, артыкчылыктуу багыттардагы конкреттүү максаттарга жана милдеттерге, жакырчылыкка каршы күрөшүүгө, ден-соолукка, билим берүүгө, экологияга, адам укуктарына жана өнөктөштүккө жетишүүгө көмөк көрсөтөт.

2005-жылы БУУнун Япониянын Кобе шаарында өткөрүлгөн Глобалдык саммити 2005-2015-жылдарга "мамлекеттердин жана коомчулуктардын табигый кырсыктардын тобокелдиктерине туруктуулугун жогорулатуу"иш-аракеттердин Хиог алкактык программасын (ХАП) кабыл алган. Бул глобалдык күн тартип өзүнө беш артыкчылыктуу багытты камтыйт, аларга жетишүү бир жагынан Кыргыз Республикасы үчүн актуалдуу болуп саналат, ал эми экинчи жагынан аталган глобалдык күн тартибинин катышуучу-өлкөсү катары милдеттенме болуп саналат.

Хиог программасы кырсыктардын коркунучун азайтуу боюнча эл аралык стратегиянын алкагында Бириккен Улуттар Уюмунун приоритети катары белгиленген, аны ишке ашырууда БУУнун Өнүктүрүү программасы (БУУӨП) негизги катышуучулардын бири болуп саналат.

БУУӨПнын "адамдын коопсуздугу жана туруктуу өнүгүүсү үчүн табигый кырсыктардын тобокелдиктерин натыйжалуу башкаруу" долбоорунун алкагында (тобокелдиктер жөнүндө билим жана зарыл иш-аракеттерди ишке ашыруу) КПДнынэкинчи артыкчылыктуу багытын ишке ашыруу максатында (экинчи жыйынтык: кырсыктардын тобокелдиктерин баалоонун комплекстүү системасы) кырсык тобокелдиктерин баалоо үчүн коркунучтардын Улуттук реестрин түзүү пландаштырылган. Бул максаттарда БУУӨП программасы ӨКМнын мониторинг жана болжолдоо департаментине жер көчкү жана жер көчкү коркунучу бар участоктор боюнча маалымат базасын түзүү бөлүгүндө кооптуу табигый процесстерди жана кубулуштарды изилдөө боюнча илимий-изилдөө иштеринин программасын ишке ашырууга көмөк көрсөтөт.

МАКСАТ

Бул техникалык тапшырманын негизги максаты Кыргызстандын Ош облусунун Алай районунун аймагында жер көчкү коркунучу бар участоктордун Кадастрдык маалымат базасын түзүү болуп саналат.

ИШТИН КӨЛӨМҮ

Бул техникалык тапшырманын алкагында жумуштардын/милдеттердин төмөнкү түрлөрү каралган::

1. Жер көчкү жана жер көчкү коркунучу бар участоктор боюнча фонддук жана архивдик материалдарды чогултуу (даярдоо иштери)

2. Жер көчкү коркунучу бар участокторду изилдөө боюнча талаа жумуштарын жүргүзүү (талаа иштери)

3. Талаа иштеринин маалыматтарын иштеп чыгуу жана маалымат базасын түзүү (камералык иштер)

4. Аткарылган иштер боюнча жыйынтык түзүү

Иштердин көлөмү жана мазмуну:

1. Даярдык иштери

a) Жер көчкү коркунучу бар участоктор боюнча маалыматтарды чогултуу, анын ичинде спутниктик сүрөттөрдү сатып алуу;

b) Алдын ала маалыматты иштеп чыгуу (спутниктен тартылган сүрөттөрдү  чечмелөө, жер көчкүнүн таралуу зоналарын/региондорун бөлүп көрсөтүү);

c) Методиканы жана иш планын деталдаштыруу;

d) Иш графигин түзүү жана макулдашуу.

Талаа иштери

а) жер көчкү коркунучу бар участокторду жеринде изилдөө (1-формага ылайык кадастрды сүрөттөө, системалаштыруу жана түзүү);

b) жер көчкү процессинин жакын жайгашкан Айыл чарба жерлерине, турак жай фондуна, инженердик курулмаларга жана коммуникацияларга мүмкүн болуучу таасирин аныктоо.

c) жер көчкү коркунучу бар участокту обзордук GPS картага түшүрүү (1:100 000 масштабында);

d) жер көчкүнүн (жер көчкү коркунучу бар участоктун) 1:5000 масштабындагы же мүмкүн болуучу бузулуу зонасын сүрөттөө менен кырдаалга жараша башка масштабдагы карта-схеманы түзүү.

2. Камералык иштер

Үчүн талаа материалдарын иштеп чыгуу жана жалпылоо:

a) жер көчкү коркунучу бар участокторду типтештирүү (литологиялык курамы боюнча);

b) программанын ГИС базасында (негизинде) жер көчкү коркунучу бар участоктордун маалымат базасын түзүү (ArcGIS  артыкчылыгы же аны менен шайкеш келген башка программалык продуктулар).

Маалыматтар базасы жер көчкү коркунучу бар ар бир участок боюнча төмөнкүдөй маалыматтарды камтууга тийиш:

участоктун жайгашкан жери (шилтеме /шилтеме/ сереп картасына шилтеме менен),

тилкелердин/жер көчкүнүн кыскача инженердик-геологиялык сүрөттөлүшү (1-формага ылайык),

жер көчкүнүн/тилкелердин таасири болушу мүмкүн болгон зонаны сүрөттөө,

тилкелердин/жер көчкүнүн жана таасир этиши мүмкүн болгон аймактын сүрөтү.

3. Аткарылган иштер боюнча жыйынтык түзүү

Жыйынтыкта төмөнкү бөлүмдөр камтылышы керек:

а) Киришүү

b) Изилдөө методологиясы

c) Жүргүзүлгөн иштердин натыйжаларын баяндоо

d) Тыянактар жана сунуштар

е) Тиркемелер (маалыматтар базасынын таблицасы, обзордук карта жана кесилген карталар, сүрөттөр, фотосүрөттөр, адабияттардын тизмеси ж. б.)

Жыйынтыктын форматына жана көчүрмөлөрүнүн санына карата талаптар:

Үч кагаз түстүү нускалары жана эки электрондук версиясы (Word и Pdf) боюнча, CD электрондук файлдар (санариптик жана маалыматтык катмарлар/файлдар) CDдагы жер көчкүлөр боюнча маалымат базасынын толук сүрөттөлүшү жана мазмуну менен.

Жогоруда келтирилген иштин көлөмүнө жана мазмунуна толуктоолор же өзгөртүүлөр, же ушул техникалык тапшырманын аткаруучуларына белгилүү болгон аталган чөйрөдөгү башка аспектилерди чагылдыруу иштеп чыгуу жана натыйжаларды берүү процессинде жумушчу тартипте макулдашылган.

• Назад
• Вперёд