«Биринчи радио» радиостанциянын «Таӊкы бурулуш» программасынын түз-эфиринде Борбордук Азиялык Жерди прикладдык изилдөө институтунун (БАЖПИИ) содиректору Болот Молдобеков Бириккен Улуттар Уюмунун Климаттын өзгөрүүсү боюнча дүйнөлүк лидерлеринин Глазго шаарында ноябрь айында болуп өткөн Саммитинин алкагында өзүнүн пикирин айтып, өлкөбүздөгү көйгөйлүү маселеси экология туралуу тиешелүү суроолорго жооп берди.

Өлкөбүздө "жашыл экономика» программасын өнүктүрүү багытын ишке ашыруу боюнча, климаттын өзгөрүшү жана экология кризисинин таасирин алдын алуу максатында алдыга коюлган иш чаралар. Ошондой эле, акыркы бир нече жылда мөңгүлөрдүн интенсивдүү эриши, суу ресурстарынын азайышы, кургакчылык, айыл чарбасында түшүмдүүлүктүн төмөндөшү жана табигый кырсыктар курч көйгөйгө айланганын өзгөчө белгиледи.

Маалыматка ылайык, Жашыл климаттык фонддун төрагасы Кыргызстанга гранттык негизде 1 миллион доллар берилүү мүмкүнчүлүгү талкууланууда. Азыркы убакытта, эки тарап кызматташтыкты кеңейтүү маселелерин жана актуалдуу долбоорлорду ишке ашыруусуна өзгөчө басым жасалып, долбоор алкагында Кыргызстандын адистерине эксперттик жана техникалык жардам көрсөтүлө тургандыгы айтылды.

Ошондой эле, Болот Молдобеков иррагациялык системаларды жана инфраструктураны изилдөө, айыл чарба жерлерин суу жээктерин бекемдөө, сел жана суу ташкындарынан алдын алуу аракеттери боюнча тиешелүү иш-чараларды алып баруу зарылчылыгын белгиледи.