Бишкекте мажар изилдөөчү Дьюла Принцке арналган көргөзмө ачылды
28-июлда Венгриянын Бишкектеги элчилиги Сегед университетинин (Szegedi Tudományegyetem) жана Борбордук Азиялык Жерди прикладдык изилдѳѳ институтунун колдоосу менен "Дьюла Принц: мажар географтын Тянь-Шанга 1906- жана 1909-жылдардагы саякаттары"көргөзмөсүнүн ачылышын уюштурду.
Көргөзмөнүн конокторуна Венгрия элчилигинин убактылуу ишенимдүү өкүлү, миссия башчысынын орун басары Андрей Букай, профессор, г.и.д., БАЖПИИнин жетектөөчү илимий кызматкери Шейшеналы Усупаев, проф., ф.и.д. Кадыралы Конкобаев, проф., т.и.д. Чолпон Турдалиева, БГУнун ректору Мирлан Дылдаев ачылыш сөзү менен кайрылышты.
Шейшеналы Эшманбетович Дьюла Принцтин изилдөөдөгү айырмасын жана илимий эмгектеринин учурдагы салыштырмалуу талдоо үчүн маанисин белгиледи.
Көргөзмөдө мажар географынын экспедицияларынын архивиндеги фото жана кол менен тартылган сүрөттөр коюлган, ошондой эле коноктор БАЖПИИ изилдөөчүлөрүнүн илимий эмгектерин көрө алышат.
Белгилей кетсек, көргөзмө Улуттук тарых музейинде 6-сентябрга чейин иштейт.
